ما بننكسر!!
ما بتنكسر شوكة وطن
فى عز المحن
بتظهر عزيمة شعبنا..
حتى لو طال الظلم
و غابت تباشير الفرح
و ضاع الهنا..
. .. ما بننكسر!!
و طال الصبر
فات الحدود الممكنة
. .. ما بننكسر!!
و النيل حزن
فارق ضفته
خارت قواهو انحنى
. .. ما بننكسر!!
و الأرض لبست جفاف
بلا غيمة حداد
تغسل شقاءها و تحضنا
. .. ما بننكسر!!
و نرجاك يا سيد الشعوب
تحطم قيودك
و بكرة بيك ترحل دموع
و تحلق سحابات المنى
والبرق القبلى
يعرض بالطرب
تضحك بنيات الحقول
و تتفجر نوافير الغنا
يزهر وطن
فوق الجحافل
و التوابيت
و الطواغيت و الضنى
ما تنكسر
و أمرق فرح
عز الهجير
أزرع جروفك يا جنى ..
بكرة أمنياتنا بتكتمل
و يضوى تاريخنا
ظلام الأزمنة ..
------------------------------------------------------------------------------------
. .. ما بننكسر!!
و الأرض لبست جفاف
بلا غيمة حداد
تغسل شقاءها و تحضنا
. .. ما بننكسر!!
و نرجاك يا سيد الشعوب
تحطم قيودك
و بكرة بيك ترحل دموع
و تحلق سحابات المنى
والبرق القبلى
يعرض بالطرب
تضحك بنيات الحقول
و تتفجر نوافير الغنا
يزهر وطن
فوق الجحافل
و التوابيت
و الطواغيت و الضنى
ما تنكسر
و أمرق فرح
عز الهجير
أزرع جروفك يا جنى ..
بكرة أمنياتنا بتكتمل
و يضوى تاريخنا
ظلام الأزمنة ..
...Lyrics ...2010 .. مجموعة ...أغنيات للحب و الوطن
No comments:
Post a Comment